VIPLINE şirkəti şəbəkəli marketinq əsaslarında yaradılan ilk yerli şirkət kimi öz fəaliyyətinə başlamışdır. O, kosmetika, ev ləvazimatları, ev tekstili, geyim, ayaqqabı, aksessuarlar sahələrində dünyada tanınmış 50-dən çox ən qabaqcıl fabriklərin rəsmi distribyutoru kimi çıxış edirdi.

Dubayda direktorlar konfransı baş tutdu. 3 gün davam edən konfrans Dubayın ən gözəl 5 ulduzlu otellərindən birində yüksək səviyyədə keçirilmişdir.

VIPLINE şirkətinin rebrendinqi baş verdi – şirkət VIPLIFE adlanmağa başladı və onlayn-sistemə keçdi. Bu gün arzuolunan məhsulları sifariş etmək üçün kompüter və ya mobil telefonun və internetin mövcudluğu kifayətdir.

İnnovativ satış metodu. Məhsulları ev şənliklərində, qonaqlıqlarda, şəxsi görüşlərdə satmaq yerinə biz yeni metodları sınaqdan keçirmək qərarına gəldik. Şirkətin ilk kataloqu çapdan çıxdı, satışlar onun vasitəsilə həyata keçirilməyə başladı.

“Qalaaltı Hotel & Spa” kompleksində VIPLIFE şirkəti “İlk Bahar” adlı möhtəşəm seminar keçirdi. Seminarda şirkət rəhbərliyi bir çox Direktorları yeni rütbələr almaq münasibəti ilə təbrik etdi və mükafatlandırdı.

VIPLIFE şirkətinin SOS adlı ilk məhsul seriyası işıq üzü gördü. Bu seriya üz üçün kremlərdən, maskalardan və gellərdən, saç şampunları və balzamlardan ibarətdir. Bütün vasitələr təbii komponentlər əsasında işlənib hazırlanmışdır. Eyni zamanda şirkətinin təsisçiləri heyvanlar üzərində sınaqların keçirilməsindən imtina etmişdilər.

İstanbulda direktorlar görüşü keçirilmişdir. VIPLIFE tərəfindən təşkil olunmuş görüş Bosfor boğazında üzən yaxtada baş tutdu. Direktorlar gözəl axşam keçirdilər. Həmçinin bu səyahət zamanı direktorlarımız VIPLIFE ilə əməkdaşlıq edən bir neçə fabrikin məhsulları üzrə treninqlərdə iştirak etdilər, Türkiyənin tarixi ilə taniş oldular və diqqətəlayiq yerlərinə baş çəkdilər.

VIPLIFE şirkətinin DR. SONA adlı ikinci məhsul seriyası işıq üzü gördü. Bu seriya səhiyyə sahəsində əvəzsiz xidmətlərinə görə “Əməkdar həkim” adını alan, bir sıra mükafatlara və ordenlərə layiq görülmüş tanınmış Azərbaycan həkimi Sona Salmanovanın müalicəvi reseptləri əsasında işlənib hazırlanmışdır. Brendin məhsulları ölkənin bir çox laboratoriyalarında test edilmişdir. DR. SONA seriyasına üz üçün müalicəvi kremlər, təmizləyici vasitələr, maskalar, bədən kremləri, antibakterial vasitələr, müalicəvi balzamlar, duru sabunlar və s. daxildir.

VIPLIFE şirkətinin 21 yaşı tamam oldu. 21 yaş – yenilikləri öyrənmək, məqsədlərimizə çatmaq, qarşımızda duran vəzifələrin yerinə yetirilməsi üçün üzümüzə milyonlarla yol açan tarixdir. Hər növbəti il yeni imkanlara və böyük uğurlara bizim üçün bir pillə olacaq.